1 қаңтардан бастап қазақ операторы Ресей мұнайын айдауға — жергілікті МӨЗ-ге де, Қытай мен Өзбекстанға транзитке де тарифтерді көтерді, деп жазады inbusiness.kz сайты.
"2024 жылғы 1 қаңтардан бастап "ҚазТрансОйл" АҚ-ның "Туймазы — Омск-Новосибирск-2 "("ТОН-2") магистральдық құбырының қазақстандық учаскесі бойынша Қазақстан Республикасының аумағы арқылы транзит мақсатында мұнай айдау жөніндегі қызметіне тариф 1000 шақырымға 1 тонна үшін 11,28 АҚШ долларын құрайды (ҚҚС-сыз)", — компанияның бас директорының бұйрығына сілтеме жасай отырып, "ҚазТрансОйл" хабарлайды.
"ТОН-2" магистральдық мұнай құбырының қазақстандық учаскесі 186,25 шақырымды құрайды, яғни осы жол бойынша жеткізу бағасы тоннасына $1,75-тен (ҚҚС-сыз) $2,1-ге дейін өседі. Оператор тариф 2018 жылдың 1 сәуірінен бастап көтерілмегенін еске салады.
"ТОН-2" магистральдық мұнай құбыры Қазақстан арқылы Ресейден өтеді және өткізу қабілеті 10 млн тонна. Мұнай құбыры арқылы Ресей мұнайын Павлодар мұнай-химия зауытына, сондай-ақ Қытай мен Өзбекстанға транзитпен жеткізу жүріп жатыр.
