"Қазақстан ресейлік азық-түлікке тәуелді болудың алдында тұр": фермерлер дабыл қақты

930

Олар тауарлардың таңбалауын алып тастауды және ҚҚС қайтару ережелерін өзгертуді ұсынды.   

"Қазақстан ресейлік азық-түлікке тәуелді болудың алдында тұр": фермерлер дабыл қақты Фото: inbusiness.kz

Қазақстандық азық-түлік өндірушілер ресейлік әріптестерімен бәсекелестікке байланысты дабыл қағуды жалғастыруда, деп хабарлайды inbusiness.kz "Атамекен" ҰКП баспасөз қызметіне сілтеме жасап.

Бұл мәселе Ауыл шаруашылығы, сауда, денсаулық сақтау және қаржы министрліктері өкілдерінің қатысуымен Ұлттық кәсіпкерлер палатасының бейіндік комитетінің отырысында талқыланды.

"Бүгінде қазақстандық қанттың өзіндік құны 440 теңге болса, ресейлік қант 350 теңгені құрап отыр. Қант зауыттары қоймалардың толып кетуіне байланысты өндірісін тоқтатуға мәжбүр", дейді Қант, тамақ және өңдеу өнеркәсібі қауымдастығының басшысы Айжан Наурзғалиева.

"Borte Milk" компаниясының бас директоры Бөкейхан Әбішевтің айтуынша, елімізде Ресейдің азық-түлік импортына тәуелді болу қаупі бар.

Талқылау барысында отырысқа қатысушылар отандық қайта өңдеушілерді қорғауға ықпал ететін шараларды жедел қабылдау қажеттігін атап өтті. Бұл шара тиісінше республиканың азық-түлік қауіпсіздігін қамтамасыз етеді.

Сонымен қатар, жиынға қатысушылар Ресей қазақстандық өндірушілерді ығыстырып, біздің нарықтағы негізгі ойыншылардың біріне айналып, 2022 жылы болғандай өз жағдайын манипуляциялайй бастайтынына алаңдаушылық білдірді.

Ресей 2022 жылдың 15 наурызынан 31 тамызына дейін ЕАЭО-ға қант жеткізуді шектеді. Сол кезде Қазақстанда қант сатумен барлық жерде үзіліс болды, деп еске салды отырысқа қатысушылар.

"Қазір ресейлік шикі сүт қазақстандық сүт өңдеу кәсіпорындарына ҚҚС есебімен 130 теңгеден келіп түсіп жатыр. Ал біздің сүттің өзіндік құны 200 теңгені құрайды", – деп түсіндірді "Каверина С" ЖК басшысы Сергей Каверин.

Сүт одағының басшысы Владимир Кожевниковтың айтуынша, сүт өңдейтін кәсіпорындарды субсидиялау жүйесі мемлекеттік қолдауды "толық қолжетімді емес" етеді. Бағаға қысым көрсетіп, акцизделетін тауарларға, өсімдік майына және әлеуметтік маңызы бар өнімдерге таңбалауды енгізу – "KazAlkoTabak" қауымдастығы пилоттық жобаны жоюға шақырды.

Сондай-ақ, өңдеушілер үшін өзекті мәселелердің бірі экспорт кезінде ҚҚС қайтару екені айтылды.

Сала сарапшыларының пікірінше, бүгінгі таңда экспорт кезінде ҚҚС қайтару қағидалары қайта өңдеушілердің қаржылық тұрақтылығын нашарлатады.

"Экспорттаушылар ҚҚС асып кетуін қайтаруға өтініш берген кезде салық органдары тікелей экспорттаушылардың ғана емес, бірінші-екінші және одан кейінгі деңгейдегі жеткізушілердің де бұзушылықтарын тексереді. Адал салық төлеушілер басқа адамдар үшін жауап беруге мәжбүр болады!"  – деді Астық өңдеушілер одағының басшысы Әлихан Талғатбек.

Осы мәселені шешу үшін қайта өңдеушілер ҚР жаңа Салық кодексін әзірлеу кезінде шикізат пен қайта өңделген өнімді экспорттау кезінде ҚҚС-ты сараланған қайтаруды енгізу мүмкіндігі мәселесін пысықтауды ұсынды.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу