Қазақстанда халықты құжаттау және тіркеу мәселелері бойынша жаңа мемлекеттік қызметтер пайда болады. Бұл туралы inbusiness.kz сайты "Ашық НҚА" порталына сілтеме жасап хабарлайды.
Ішкі істер министрлігі мемлекеттік қызметтерді көрсетудің келесі ережелері бойынша жобаларды дайындады:
- Қазақстан Республикасы азаматтарының тұрғылықты жері бойынша тіркеу (бұрын бұл мемлекеттік қызмет жалпы халыққа қатысты болатын);
- Қазақстан Республикасы азаматтарының уақытша болатын (тұратын) орны бойынша уақытша тіркеу;
- Қазақстан Республикасында тұрақты тұратын шетелдіктер мен азаматтығы жоқ адамдарды тұрғылықты жері бойынша тұрақты тіркеу;
- Босқын мәртебесін алған шетелдіктер мен азаматтығы жоқ адамдарды тұрғылықты жері бойынша уақытша тіркеу.
"Инновацияларды негіздеу ретінде олар Қазақстан Республикасы Цифрлық даму, инновациялар және аэроғарыш өнеркәсібі министрлігінің 2023 жылғы 16 тамыздағы №339/НҚА бұйрығымен бекітілген Мемлекеттік қызметтер тізілімінің 51, 52, 51-1, 52-3 тармақтарына сәйкес әзірленгені айтылған.
Ал, құжаттың түсіндірме жазбасындағы түзетулердің мақсаты – микросұлбаға жеке басын куәландыратын құжаттарды, иесі туралы қосымша ақпаратты, атап айтқанда, оның саусақ іздерін енгізу екені айтылған.", - делінген хабарламада.
