ҰҚК қарашада құзырлы органдармен бірлесіп, Қазақстан заңнамаларын бұзған 5 785 адамды ұстады. Соның ішінде 17 шетел азаматы шекараны бұзғаны үшін, 19-ы шекараны заңсыз кесіп өтпек болғаны үшін ұсталды, деп хабарлайды inbusiness.kz сайты ҰҚК баспасөз қызметіне сілтеме жасап.
"Мемлекеттік шекара арқылы заңсыз алып өтудің 1 313 дерегінің алды алынды, соның ішінде: 26-сы - есірткі; 62-сі - қарулар мен оқ-дәрілер (30-ы - атуға жарамсыз, 1-еуі - ату, 1-еуі - пневматикалық, 43-і - суық қарулар, 136-сы - оқ-дәрілер, 18-і -электрошокерлер); 35-і - діни әдебиет (1 215); 414-і жалпы сомасы 50 миллион теңгеден асатын жанар-жағармай (55 литрден аса); 644-і - жалпы сомасы 3,5 миллиард теңгеден асатын тұтыну тауарлары; 132-сі жалпы сомасы 3 миллиард теңгеден асатын шетел валютасы", – деп жазылған хабарламада.
Каспий акваториясында 7 браконьерлік дерегінің алды алынды. Шекарада мына заттар тәркіленді:
- 1 жүзу құралы;
- жалпы ұзындығы 44,3 шақырым тор браконьерлік аулау құралдары;
- 206 (1 633 кг) бекіре тұқымдас балық;
- 46 (30 кг) таза тұқымдас балық;
- 28 итбалық бар.
"Залал сомасы - 620 миллион теңге", – деп хабарлады ҰҚК.
Мемлекеттік шекарада қандай да бір шектеу шаралары енгізілген жоқ, барлық өткізу пункті штаттық режимде жұмыс істеп жатыр.
