Қазақстан табиғи уран өндіруден әлемде бірінші орында тұр

599

Президент Қасым-Жомарт Тоқаев шетелдік ғылыми ұйымдардың басшыларымен кездесті.

Қазақстан табиғи уран өндіруден әлемде бірінші орында тұр

Кездесуде Қазақстанның ядролық ғылым саласын дамыту перспективалары талқыланды, деп хабарлайды inbusiness.kz.

Мемлекет басшысы Chioda Technol Corp (Жапония) компаниясының президенті Атару Иноуимен, Лауэ-Ланжевен институтының (Франция) жетекші ғылыми қызметкері Валерий Несвижевскиймен және Біріккен ядролық зерттеулер институтының (Ресей) директоры Григорий Трубниковпен кездесу өткізді.

Шетелдік ғылыми ұйымдардың басшылары Қазақстан тарапымен тығыз ынтымақтастық орнатуға қызығушылық танытты.

Президент еліміздің атом энергиясын тек қана бейбіт мақсатта пайдалануды жақтайтынын айтты. Оның айтуынша, Қазақстан табиғи уран өндіруден әлемде бірінші орында тұр және ядролық отын түрлерін өзі өндіреді. Елімізде ядролық саланы ғылыми-техникалық тұрғыда қолдай алатын ғылыми мекемелер мен инфрақұрылым бар.

Әңгімелесу барысында олар Қазақстанда атом энергетикасын дамыту, заманауи ядролық технологияларды пайдалану, отандық білікті кадрларды даярлау мәселелері жөнінде пікір алмасты.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу