Канада азаматы болып жүрген Қазақстан тумасы Кәрім Баратов Сан-Францискода өткен сотта Yahoo серверіне кибершабуыл жасағанын мойындады. Бұл туралы АҚШ-тың әділет министрлігінің сайтында жарияланған мәлімдемеде айтылған.
Баратовқа қатысты үкім келесі жылдың 20-шы ақпанына белгіленген сот отырысында жариялануы мүмкін. Ол тамызда қамауға алынған. Сот Баратовты кепілдік қою арқылы босатудан бас тартыпты.
22 жастағы Қазақстан тумасы 2014 жылы 3 күдіктімен бірге Yahoo серверіне бұзып кіріп, пайдаланушылардың жарты миллиардтан астам тіркеу мәліметін ұрлаған болатын. Баратовтың көршісі оның Канаданың Анкастер қаласына 3 жылдай бұрын көшіп келгенін, аса қымбат көліктерді жиі ауыстырағанын және шуы қатты ойын-сауық кештерімен танылғанын айтады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
