Қазақстан Жоғарғы Сотының төрағасы Асламбек Мерғалиев Түркі мемлекеттері ұйымына мүше елдердің — Қазақстан, Өзбекстан, Түркия, Әзербайжан және Қырғызстанның — Жоғарғы сот төрағаларына онлайн форматта ілтипат білдіріп, халықаралық ынтымақтастықтың маңызын атап өтті, деп жазады inbusiness.kz сайты.
Оның құрамында Жоғарғы Соттың әкімшілік істер жөніндегі сот алқасының төрағасы Аслан Түкиев, Әскери сот төрағасы Ғалымжан Нәсірдінов және Сот әкімшілігінің халықаралық байланыстар бөлімінің меңгерушісі Д.Омаров болды.
Асламбек Мерғалиев өз сөзінде ұйымның құқықтық негізін нығайту, тәжірибе алмасу және сот төрелігін дамытудағы бірлескен іс-қимылдардың маңызын айтты. Сондай-ақ, Қазақстандағы сот жүйесін жаңғыртуға бағытталған бірқатар реформалармен таныстырды. Атап айтқанда:
-
Сот жүйесін қаржыландыруды барлық мемлекеттік шығыстардың кемінде 6,5%-на жеткізу;
-
Аудандық сот төрағаларын сайлау тәжірибесін енгізу;
-
Алқабилерді іріктеудің цифрлық жүйесі;
-
Кассациялық соттың енгізілуі;
-
Аймақтан тыс соттылық қағидаты және т.б.
Бұл бастамалар соттардың бейтараптығын арттырып, сот төрелігіне деген сенімді күшейтуге бағытталған.
Іс-шара аясында Аслан Түкиев Түркия кассациялық сотының төрағасы Өмер Керкез, Мемлекеттік кеңес төрағасы Зеки Йигит және Қырғызстан Жоғарғы соты төрағасының орынбасары Нургул Бакировамен кездесіп, екіжақты ынтымақтастықты талқылады.
Сондай-ақ, ол Қазақстанда заң үстемдігін қамтамасыз ету, сот төрелігінің қолжетімділігі мен әділеттілігін арттыру бағытында атқарылып жатқан жұмыстарға тоқталды. Оның айтуынша, қазіргі кезде азаматтар мен кәсіпкерлер мемлекеттік органдарға қарсы істердің 58 пайызын жеңіп шығады.
Сонымен қатар, сот жүйесін цифрландыру, жасанды интеллект элементтері бар сервистерді енгізу және апелляция институтының рөлін күшейту бойынша ауқымды жұмыстар жүргізілуде.
