Қазақстан және Әзербайжанның сыртқы істер министрлері Эльмар Мамедъяров пен Ерлан Ыдырысов Гамбургте ЕҚЫҰ СІМК отырысы алаңында кездесу өткізді.
"Эльмар Мамедъяров пен Ерлан Ыдырысовтың кездесуі Гамбургте ЕҚЫҰ СІМК-нің 23-отырысы сыртында өтті. Министрлер Каспий теңізінің құқықтық мәртебесі мәселесі бойынша пікір алмасты", деп хабарлады жұма күні Әзербайжанның СІМ баспасөз қызметі. Бұл туралы "Интерфакс-Әзербайжан" жазып отыр.
Тараптар ынтымақтастықтың жан-жақты және қарқынды дамуына көңіл толатындығын білдірді.
"Халықаралық ұйым шеңберінде ынтымақтастық пен өзара қолдауды одан әрі жалғастырудың маңыздылығы атап өтілді, – делінген таратылған ақпаратта.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
