Қырғызстанда жастар арасында дзюдодан өткен Азия кубогында Қазақстан жастар құрамасы үшінші орын иеленді, деп хабарлады ҚР дзюдо федерациясының баспасөз қызметі.
Азия құрлығының 9 елінен келген 159 татами шебері бақ сынаған тартысты таласқа ел құрамасынан 25 дзюдошы қатысты. Екі күнге созылған жылдың маңызды додасында Қазақстан жастар құрамасы 3 алтын, 2 күміс және 3 қола медальмен жалпы командалық есепте 3 орынға қол жеткізді.
Мөлдір Нарынова (70 келі), Камила Берліқаш (+78 келі), Сұңғат Жұбатқан (66 келі) - алтын медаль, Ләззат Әлімхан (57 келі), Амина Расул (78 келі) - күміс медаль, Бақыт Абдусамат (55 келі), Нұрсұлу Ералиева (52 келі), Санжар Балғымбеков (81 келі) - қола медаль жеңіп алды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
