"Адам құқықтары және адам саудасына қарсы күрес саласындағы халықаралық конвенцияларда ратификацияланған көптеген ережелер ұлттық заңнамаға енгізілген. Сонымен бірге, елде жеке заң қабылданған жоқ... Тұжырымдаманы әзірлеу мерзімі – 2022 жылғы қыркүйек, ал заң жобасы – 2023 жылғы сәуір", – деді ІІМ ұйымдасқан қылмысқа қарсы күрес департаменті бастығының міндетін атқарушы Қанат Нұрмағамбетов Орталық коммуникациялар қызметінде өткен дөңгелек үстел барысында.
Заң жобасында адам саудасына қарсы іс-қимыл саласындағы мемлекеттік саясаттың құқықтық және ұйымдастырушылық негіздерін құру, уәкілетті органдарды анықтау, ведомствоаралық үйлестіру және өзара іс-қимыл мәселелерін реттеу, кәмелетке толмаған жәбірленушілерді қорғауды қамтамасыз ету көзделген.
Сонымен бірге адам саудасыны құрбаны болған шетелдіктерге көмек көрсету, Қазақстан Республикасында халықаралық міндеттемелерді орындау мәселелері қамтылады.
