Елімізде отандық жиһаз жетіспеушілігі жоғары, деп хабарлады Еnergyprom.kz.
2019 жылы отандық компаниялар 37,9 млрд теңгеге өнім шығарған. Статистика комитетінің мәліметінше инфляцияны ескергенде аталған сектор табысы 0,1%-ға өскен.
2018 жылы көрсеткіш 38,6 млрд теңгеге тұрақтаған. Яғни, 2017 жылдан 3,1%-ға жоғары.
Жиһаз шығару бойынша Алматы қаласы көш бастап тұр. Мегаполис өткен жылы 12,1 млрд теңгеге өнім шығарған. Одан кейінгі орында 4 млрд теңгеге бұйым құрастырған Алматы облысы мен 3 млрд теңгемен Ақмола облысы тұр. Аталған өңірлерде елімізде жергілікті компаниялар жасаған жиһаздың жартысынан көбін әзірленген.
Жалпы Қазақстанда ас бөлмесіне арналған жиһазын шығару көлемі 42% төмендеген. 2019 жылдың 11 айының қорытысына бойынша отандық компаниялар кеңсе жиһазына сұраныстың 76,4%-ын, ас бөлмесі 50,1%-ын, орындық пен өзге де отыруға арналған бұйымдардың 62,1%-ын қамтамасыз еткен.
Бұл ретте өзге сегментте импорттық жиһаз көлемі жоғары. Мәселен, жатын бөлме, қонақ бөлмесіне арналған жиһаздарға сұраныстың 88,8%-ын импорттық бұйымдармен қамтамасыз еткен. Бұдан бөлек сауда-саттық пен дүкендерге арналған жиһаздардың 69%-ы шет елден келген.
