Кеңеске өңірлер мен қалалар әкімдіктерінің, ҚР Оқу-ағарту министрлігі, ҚР Индустрия және инфрақұрылымдық даму министрлігінің, "Samruk-Kazyna Construction" АҚ және басқа да мемлекеттік органдардың басшылары қатысты.
Қазақстанда 2023-2025 жылдары "Жайлы мектеп" ұлттық жобасы аясында Мемлекет басшысының тапсырмасы бойынша 400-ден астам жайлы мектеп салынады, деп хабарлайды inbusiness.kz. Үкіметке сілтеме жасап.
Ұлттық жобаны іске асыру арқасында республикада 840 мыңнан астам оқушы орны (екі ауысымда) құрылатын болады. Алтай Көлгінов қажеттілік бар қалалар мен аудандарда жаңа форматтағы мектептер салудың маңызды екенін атап өтті.
Мәселен, 2023 жылы әкімдіктер Оқу-ағарту министрлігімен және және "Samruk-Kazyna Construction" АҚ ұлттық жобасының бірыңғай операторымен бірлесіп, 400-ден астам жайлы мектептің ішінде 467 800 оқушыға арналған 221 мектеп салуға кірісуі қажет.
"Ірі қалаларда ішкі көші-қонның үлесі едәуір екенін, туу коэффициенті мен халықтың тығыздығы жоғары екенін ескере отырып, мектептерде 2,5 мың оқушыға арналған орын болуы керек. Мұндай үлкен мектептер типтік мектептермен салыстырғанда 2-3 есе көп оқушы орындарын құруға мүмкіндік береді. Бұл апатты мектептерді жою, үш ауысыммен оқытатын және тығыздалған оқыту режимі мәселелерін шешуге, білім беру сапасын едәуір арттыруға және оқыту үшін қолайлы жағдайлар жасауға мүмкіндік береді. Бұл мәселе – Мемлекет басшысының бақылауында", — деді ҚР Премьер-Министрінің орынбасары Алтай Көлгінов.
Еліміздің қалалары мен өңірлері әкімдіктерінің алдына Оқу-ағарту министрлігімен, "Samruk-Kazyna Construction" АҚ және басқа да жауапты органдармен бірлесіп, вице-премьер Алтай Көлгінов мынадай міндеттер қойылды: осы жылдың соңына дейін ұлттық жобаны іске асырудың нақты мерзімдерін көрсете отырып, Жол картасын бекіту, басшылықтан жауапты тұлғаларды бекіту, оқу ордаларының қажеттіліктерін ескере отырып, жер учаскелерін рәсімдеу бойынша жұмысты аяқтау, 2023 жылдың көктемінде жаңа форматтағы мектептердің құрылысын бастау.
