Елімізде адам капиталы саласында өсу байқалады. Ең жоғары өсім Нұр-Сұлтан мен мұнайлы аймақтарға тиесілі.
finprom.kz мәліметтеріне сүйенсек, 2019 жылдың екінші тоқсанында елдің экономикалық белсенді тобы -9,2 млн адамды құрады. Бұл өткен жылмен салыстырғанда 1,4%-ға жоғары.
Оның 95%-ы жұмыспен қамтылғандар. Бұлардың саны бір жылда 1,5%-ға өсіп, 8,8 млн адамға жеткен. Ал жұмыссыздар саны бір жылда 0,1%-ға немесе 441,8 мың адамға өскен. Айта кетейік, соңғы үш жылдағы жұмыссыздар саны халықтың 5%-ына жетпейді.
Экономикалық белсенді халықтың жартысынан астамы қалада тұрады. Соңғы бір жылда олардың үлесі 58,6%-ға артқан. Ал ауыл халқының үлесі керісінше 0,7%-ға немесе 3,8 млн адамға азайған.
Қала тұрғындарының 58,5%-ы жұмыспен қамтылса, ауыл тұрғындарының тек 41,5%-ы еңбек етеді. Қалада жұмыс істейтіндер саны бір жылда 3%-ға, 5,1 млн адамға өссе, ауылда керісінше 0,6% азайған.
Әйтседе республикалық көрсеткіште жұмыссыздардың басым бөлігі - 59,3%-ы қалаларда тұрады. Ал ауылдардағы жұмыссыздар саны жалпы көрсеткіштің 40,7%-ын құрады. Бұл былтырғы жылмен салыстырғанда шамамен 2%-ға төмен.
Аймақтар бойынша ең жоғары көрсеткіш Алматы облысында. Мұнда экономикалық белсенді адамдар саны 1 млн-нан асады. Сонымен қатар Алматы облысында 985,5 мың, Түркістан облысында 818,7 адам еңбек етеді.
17 облыстың 5-інде еңбек ресурстарының азюы байқалған. Мұның ішінде ең көбі Солтүстік Қазақстан (1,6%), Павлодар (0,9%), Қызылорда облысында (0,9%).
Құралай Құдайберген
