АЭХА миссиясын Ядролық инфрақұрылымды дамыту бөлімінің сарапшылары Мехмет Джейхан мен Тибо Рейсет, сонымен қатар Ұлыбританиядан сыртқы сарапшы Стивен Мортин ұсынады, деп жазады Inbusiness.kz.
Іс-шараны Қазақстанның энергетика вице-министрі Жандос Нұрмағанбетов ашты.
"Миссия жұмысына Қазақстан тарапынан да өкілдер қатысуда – Энергетика министрлігі, Экология және табиғи ресурстар министрлігі, "Қазатомөнеркәсіп" АҚ, "ҚАЭС" ЖШС, ҰЯО, ЯФИ және ҰТО ЯҚТ", - делінген ҚР Энергетика министрлігі хабарламасында.
АЭХА ұсынымдарына сәйкес, ядролық-энергетикалық бағдарламаны дамытудың бірінші кезеңінде АЭС салу бойынша шешім қабылданғанға дейін ядролық энергияны қауіпсіз, сенімді әрі орынды пайдалануды әзірлеу мен енгізу жөніндегі маңызды құрал - Қазақстанның ядролық-энергетикалық инфрақұрылымының жай-күйін бағалауды жүргізу қажет.
