Қазақстанда әйел кәсіпкерлердің қаржы ресурстарына қолжетімділігін бақылауға арналған ұлттық аналитикалық платформа іске қосылды, деп хабарлайды inbusiness.kz сайты.
Платформаны Қазақстан Республикасының Қаржы нарығын реттеу және дамыту агенттігі Еуропалық қайта құру және даму банкімен бірлесіп әзірлеген.
Жаңа цифрлық ресурс банк және микроқаржы ұйымдарындағы әйел кәсіпкерлерді қаржыландыруға мониторинг жүргізуге мүмкіндік береді. Платформа шағын, орта және ірі бизнес субъектілерінің кредиттік портфельдерін қамтиды.
Аналитикалық жүйе арқылы әйел кәсіпкерлерге берілген кредиттердің негізгі көрсеткіштерін, құрылымы мен сапасын, сондай-ақ қаржыландырудың салалық және өңірлік ерекшеліктерін көруге болады.
Пайдаланушылар есепті кезең, бизнес көлемі, кәсіпкерлік субъектісінің түрі және өңір бойынша деректерді сүзгілеп, қажетті талдауды өздігінен қалыптастыра алады.
Платформа үш тілде тәулік бойы жұмыс істейді және орналастырылған.
Агенттік бұл құрал әйел кәсіпкерлерді қаржыландыру туралы ақпараттың ашықтығын арттырып, оларды қолдау шараларын жетілдіруге мүмкіндік беретінін атап өтті.
