"Аймақтар арасындағы ішкі коммуникацияны қамтамасыз етіп, транзиттік әлеуетті арттыру үшін тәуелсіздік жылдары ішінде 2500 шақырымға жуық темір жол салынды. Негізгі транзиттік бағдарларға жүктеменің артып келе жатқанын есепке ала отырып, Достық – Мойынты, Қазалы – Арыс, Алматы торабы, Сарыағаш стансасы арқылы жүретін пойыздардың кедергісіз өтуіне қатаң қадағалауымыз керек. Осы мақсатта алдағы уақытта Достық – Мойынты бағытында екі жолды салып, осы уаскеге электр тоғын тарту жұмысы қолға алынып жатыр. Сонымен қатар жоспар бойынша Дарбаза – Мақтаарал темір жол желісін салу көзделген", – деді Жәнібек Тайжанов ОКҚ алаңында.
Қазіргі уақытта Достық - №19 разъезд бөлігінде екінші жолға топырақ жайылып жатыр.
"Шекарадағы Достық стансасына жаңа әрі жаңартылған терминалдар қойылады. Алматы торабында Жетіген – Қазыбек би темір жол желісін салу көзделген. Бұл жоспардың бәрін 2025 жылға дейін аяқтау көзделген", – дейді ол.
Аян Бекенұлы
