Қазақстанда сотталған төрт педофилге химиялық кастрация жасалуда, деп хабарлайды Atameken Business.
Бұл процедура бір реттік емес, жарты жыл сайын жалғаспақ. Бұл туралы Атамекен бизнес аранасы тілшілерінің журналистік сауалына жауап берген Қылмыстық Атқару Жүйесі Комитетінінің өкілдері хабарлады. Қазіргі уақытта сот шешімі бойынша кастрация шарасы қылмыстық-атқару жүйесі мекемелерінде қолданылуда.
Атап айтқанда Павлодар, Шығыс Қазақстан, Ақмола облыстары және Шымкент қалаларындағы түзеу мекемелерінде төрт сотталушыға химиялық кастрация түріндегі мәжбүрлеп емдеу шарасы қолданылған. Ал жалпы қылмыстық-атқару жүйесі мекемелеріне 11 сотталушыға химиялық кастрация түрінде мәжбүрлеп емдеуді тағайындау туралы сот қаулысы шыққан. Педофилдерге қатысты химиялық кастрация рәсімі жазасын өтеу орны бойынша орындалады.
