Үш өлшемді жолақ әзірге Т. Айбергенов көшесінде ғана сызылған. Мұндай жаяу жүргіншілер өткелі шетел тәжірибесінде бар. Ол жол-көлік оқиғаларын азайтады екен. Ерекше жолақты салу идеясы Қазақстан бойынша бірінші болып Шымкентте қолға алынды, деп хабарлайды otyrar.kz.
Бұл замануи қондырғыны орнату үшін кезінде жергілікті бюджеттен 2 млн. теңгеге жуық қаржы жұмсалыпты. Ал енді салынған 3 D форматындағы жолақ Шымкент әлеуметтік-кәсіпкерлік корпорациясына 170 000 теңгеге түскен. Алайда, бұл қаржы еселене бермек.
Бір жолақты жаңартып отыру үшін 1 жылда 500 000 теңгеден аса қаржы кетеді. Қала тұрғындарының қауіпсіздігін бірінші орынға қойған әлеуметтік-кәсіпкерлік корпорациясы бұл сома өз қалтамыздан шығады дегенді айтады. Алдағы уақытта қала әкімдігі рұқсат берсе, олар тағы бірнеше көшелерінде салуды да көздеп отыр.
