Елімізде алкогольсіз сусындар өндірісі былтырғыға қарағанда артқан. 2023 жылғы қаңтар-тамыз аралығында 493,4 млн литр минералды және газдалған тәттіленбеген және хош иістендірілмеген су шығарылды. Бұл өткен жылдың сәйкес кезеңімен салыстырғанда 7,2%-ға артық. Басқа да алкогольсіз сусындар өндірісінің көлемі 1,7 млрд литрге жетіп, бір жылда 7,5%-ға артты, деп жазады inbusiness.kz www.energyprom.kz порталына сілтеме жасап.
Тамыз айының қорытындысы бойынша алкогольсіз сусындардың баңасы өсті: алкогольсіз сусындар – бір айда 1%-ға, минералды және ауыз су – 1,4%-ға.
Биыл алкогольсіз сусындардың бір айда айтарлықтай қымбаттауы наурыз айында тіркелсе (3,3%-ға), ал минералды және ауыз су маусым айында 2,4%-ға қымбаттаған.
Тамыз айының қорытындысы бойынша алкогольсіз сусын 22,7%-ға қымбаттады. Газдалған сусындардың бағасы ел бойынша орта есеппен 21,9%-ға өскен. Ең жоғары баға өсімі Ақмола, Қызылорда және Ақтөбе облыстарында байқалды. Газдалмаған сусындар 26,6%-ға қымбаттады. Антилидерлер үштігінде Батыс Қазақстан, Ақмола және Атырау облыстары бар.
Минералды және ауыз су бағасы бір жылда 21,1%-ға артты. Өңірлік бөліністе ауыз су бағасы Ақмола және Ақтөбе облыстарында, Астанада ең көп қымбаттады. Минералды судың бағасының ең жоғары өсімі Батыс Қазақстан, Павлодар және Қызылорда облыстарында тіркелді.
