Қазақстанда асбест өндіру көлемі 2023 жылдың қаңтар-наурыз айлары аралығында 2022 жылдың ұқсас кезеңімен салыстырғанда 21,9%-ға ұлғайды, деп хабарлайды inbusiness.kz Ұлттық статистика бюросына сілтеме жасап.
Осылайша, осы уақыт ішінде қазақстандық кәсіпорындар 66,5 мың тонна өнім шығарды, ал 2022 жылы үш айда 54,6 мың тонна асбест өндірілген.
Сонымен қатар экспорт 41,4%-ға өсті. 2023 жылдың 3 айында экспортқа 61,5 мың тонна асбест жіберілсе, ал 2022 жылдың үш айында 43,5 мың тонна экспортталған.
2023 жылдың үш айының қорытындысы бойынша ішкі нарықта 4,9 мың тонна асбест сатылды.
Осылайша, асбесттің тек 7,5%-ы Қазақстанда сатылып, қалғаны экспортқа кетеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
