Ірі қара мен ұсақ малдың асыл тұқымды мал басын сатып алу үшін "Сыбағаға" ұқсас бағдарламаны қайта бастау жоспарланып отыр. Бұл туралы ҚР премьер-министрі Олжас Бектенов Мәжіліс депутаттарының ет бағасының күрт өсуі және азық-түлік қауіпсіздігін қамтамасыз ету туралы сұрағына қайтарған жауапта айтылған, деп хабарлайды inbusiness.kz сайты.
Жылдық 5%-дан аспайтын мөлшерлеме бойынша қарыздар бордақылау алаңдары мен ет өңдеу кәсіпорындарының айналым қаражатын толықтыруға берілетін болады.
Үкімет басшысының ақпараты бойынша, 2024-2026 жылдары ҚР-да ірі қара малдың ет тұқымын генетикалық жетілдіру бағдарламасы іске асырылуда. Сондай-ақ, жемшөп қорын кеңейту, оның ішінде егіс алқаптарын ұлғайту және жайылымдық инфрақұрылымды жақсарту бойынша жұмыстар қолға алынған.
"Етті мал шаруашылығының экспорттық әлеуетін арттыру мақсатында алты өңірде күрделі шығындарды азайту есебінен еттін өзіндік құнын төмендетуге бағытталған австралиялық технологияларды енгізу бойынша пилоттық жобалар іске асырылуда", – деді Олжас Бектенов.
Азық-түлік қауіпсіздігін қамтамасыз етуге бағытталған шаралардың ішінде премьер-министр ірі қара мен ұсақ малдың аналық басын әкетуге тыйым салуды ұзартуды, сондай-ақ бұқашықтарды әкетуге шекті 85-тен 60 мың басқа дейін төмендетуді атады.
Аудандарды сою пункттерімен қамтамасыз ету бойынша да үлкен жұмыстар жүргізілуде.
"Тәжірибе көрсеткендей, елді мекендерде қарабайыр және типтік сою алаңдарын пайдалану мамандандырылған сою пункттерінің жұмыс істеуіне қарағанда тиімдірек емес. Соңғылары ветеринариялық және санитариялық нормаларға сәйкес келеді, етті ветеринариялық-санитариялық сараптауға арналған зертханалармен жабдықталған, сондай-ақ ілеспе құжаттарды ресімдеу үшін ветеринар дәрігер қатысады. Осыған байланысты бірқатар елді мекендерде сою алаңдарын сою пункттеріне кезең – кезеңімен қайта құру басталды", – деді Үкімет басшысы.
Сою пункттерінің құрылысы мемлекеттік қаражат есебінен де, жеке инвестицияларды тартумен де жүргізіледі.
Аймақтағы әкімдіктердің мәліметінше, 2024 жылы 18 сою пункті салынды. 2025 жылы 224 нысанның құрылысы жоспарда тұр.
