Бір апталық зерттеу барысында Қарағанды қаласында ауаның ластану шегі рұқсат етілген нормадан 521 рет асып кеткен. Шаһардағы ауасы ең ластанған жер – Пришахтинск шағын ауданы.
Ал Алматыда ауаның шектен тыс ластануы 123 рет тіркелген. Түрксіб ауданы бойынша барынша ластанған деп отыр мамандар. Еліміздің бас қаласы Астанада шекті нормадан 1 318 рет қайталанған.
Өзге өңірлерде ауаның ластану деңгейі қалыпты деп бағаланып отыр. Ақтөбе және Шымкент қалаларында ластаушы заттардың шамадан тыс асуы тіркелмеген. Ең бастысы – зерттеу барысында экстремалды-жоғары ластану жағдайы бірде-бір байқалмапты.
Төменде қалалар бойынша ластаушы заттардың орташа тәуліктік шоғырлануы туралы ақпарат берілген.
Атмосфералық ауаның жай-күйіне мониторинг жүргізілді:
• Ақтөбе қаласында 6 бекетте, оның ішінде 3 автоматты бекетте және 3 қолмен сынама алу бекетінде жүргізіледі.
• Алматы қаласында 16 бекетте, оның ішінде 11 автоматты бекетте және 5 қолмен сынама алу бекетінде жүргізіледі.
• Атырау қаласында 5 бекетте, оның ішінде 3 автоматты бекетте және 2 қолмен сынама алу бекетінде жүргізіледі.
• Балқаш қаласында 4 бекетте, оның ішінде 1 автоматты бекетте және 3 қолмен сынама алу бекетінде жүргізіледі.
• Өскемен қаласында 7 бекетте, оның ішінде 2 автоматты бекетте және 5 қолмен сынама алу бекетінде жүргізіледі.
• Жезқазған қаласында 3 бекетте, оның ішінде 1 автоматты бекетте және 2 қолмен сынама алу бекетінде жүргізіледі.
• Қарағанды қаласында 8 бекетте, оның ішінде 4 автоматты бекетте және 4 қолмен сынама алу бекетінде жүргізіледі.
• Қызылорда қаласында 3 бекетте, оның ішінде 2 автоматты бекетте және 1 қолмен сынама алу бекетінде жүргізіледі.
• Нұр-Сұлтан қаласында 10 бекетте, оның ішінде 6 автоматты бекетте және 4 қолмен сынама алу бекетінде жүргізіледі.
• Павлодар қаласында 7 бекетте, оның ішінде 5 автоматты бекетте және 2 қолмен сынама алу бекетінде жүргізіледі.
• Петропавл қаласында 4 бекетте, оның ішінде 2 автоматты бекетте және 2 қолмен сынама алу бекетінде жүргізіледі.
• Теміртау қаласында 4 бекетте, оның ішінде 1 автоматты бекетте және 3 қолмен сынама алу бекетінде жүргізіледі.
• Шымкент қаласында 6 бекетте, оның ішінде 2 автоматты бекетте және 4 қолмен сынама алу бекетінде жүргізіледі.
