ҚР ИИДМ 2023 жылғы 15 ақпандағы бұйрығымен Әуе көлігінде жолаушыларды, багажды және жүктерді тасымалдау қағидаларына өзгерістер енгізілді, деп хабарлайды inbusiness.kz.
Атап айтқанда, егер бекітілген талаптарға сәйкес келмесе, авиакомпания жүкті тасымалдауға қабылдаудан бас тарта алады.
Олар:
- жүкті әкелу, әкету немесе транзиттеу тасымалдау жүзеге асырылатын аумаққа, аумағынан немесе аумағы арқылы сол елдің заңнамасына сәйкес жүзеге асырылады;
- жүктің өлшемдері оның еркін тиелуін және түсірілуін, әуе кемелерінің багажы мен жүк бөлімдеріне орналастырылуын және бекітілуін қамтамасыз етеді;
- тұрақты жолаушылар әуе кемелерiнде тасымалдау кезiнде жүктiң салмағы мен өлшемдерi авиакәсiпорынның шарттарында белгiленген шектен аспайды;
- жүкке ілеспе құжаттар қоса тіркеледі;
- жүк ұшаққа, адамдарға және мүлікке қауіп төндірмейді және өзінің қасиеттеріне байланысты жолаушыларға қолайсыздық тудырмайды.
Сондай-ақ алушы авиакомпаниядан әуе кемесі межелі жерге келген, жүк түсірілген және өңделген сәттен бастап жүкті және жүкқұжатты ресімдеуді талап ететіні түсіндіріледі. Жүкті жеткізу әуе кемесі келген сәттен бастап 2 сағаттан кешіктірілмей жүзеге асырылады.
Бұл ретте әуежай әкімшілігі жолаушыларды, багажды және жүктерді әуе көлігімен тасымалдау тәртібін әуежайдың ресми интернет-ресурсында орналастыруы керектігі айтылады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
