/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 426,81 Brent 36,55
Қазақстанда балалардың құқығын қорғаумен айналысатын 300 астам ұйым бар – Білім министрі

Қазақстанда балалардың құқығын қорғаумен айналысатын 300 астам ұйым бар – Білім министрі

Бұл туралы ҚР Білім және ғылым министрі Асхат Аймағамбетов парақшасында жазды.  

01 Маусым 2020 19:22 156

Қазақстанда балалардың құқығын қорғаумен айналысатын 300 астам ұйым бар – Білім министрі

Қазақстанда балалардың құқығын қорғаумен айналысатын 300 астам ұйым бар, деп хабарлайды inbusiness.kz.

«Жыл сайын маусым айының алғашқы күнінде Халықаралық балаларды қорғау күні атап өтіледі. Бұл – жас ұрпақтың денсаулығы мен қауіпсіздігіне, құқықтары мен дамуына қатысты жауапкершілікті еске салатын күн. Қазақстан балалардың құқықтықтарын қорғаудың халықаралық жүйесінің дамуына белсенді атсалысады. Тәуелсіздік жылдары біз негізгі халықаралық құжаттарды ратификацияладық. Ондай маңызды құжаттардың бірі – Бала құқықтары туралы конвенция», – деді министр.

Оның атап өтуінше, БҰҰ Бала құқықтары жөніндегі комитеті 70-ші сессия кезінде елімізде балалардың құқықтарын қорғау мәселесі айтарлықтай жетіліп келе жатқанын атап өткен. Мемлекет басшысы Қасым-Жомарт Тоқаев та осы мәселе төңірегінде барлық қажетті шараларды қабылдап, балалардың құқықтырын қорғау бойынша тапсырма берген.

«Бүгінгі таңда республикамызда балалардың құқықтарын қорғау мәселелерімен ҚР БҒМ, ҚР ДСМ, ҚР ЕХӘҚМ, ҚР АҚДМ, ҚР ІІМ, ҚР МСМ және өзге де министрліктер мен басқа да ұйымдар айналысады. Бұл ретте жергілікті деңгейде білім беру, денсаулық сақтау, балаларға арналған әлеуметтік қорғау жүйесінде мыңнан астам орган мен ұйым жұмыс істейді. Оның ішінде балалардың құқықтарын қорғау мәселелерімен айналысатын 300 астам үкіметтік емес ұйым бар», – деді Асхат Аймағамбетов.

Ирактан қайтарылған балалар туыстарына берілді

Балалар еліміздің символы «Бәйтерек» монументінде туыстарына тапсырылды.

12 Желтоқсан 2019 22:48 264

Ирактан қайтарылған балалар туыстарына берілді

Тәуелсіздік күні қарсаңында ҚР Президенті Қасым-Жомарт Тоқаевтың тапсырмасымен гуманитарлық акция аясында Ирактан Қазақстанға қайтарылған балалар жақын туыстарына берілді, деп хабарлайды ҚР сыртқы істер министрлігінің баспасөз қызметі.

Іс-шараға ҚР Сыртқы істер министрінің орынбасары Ержан Ашықбаев, Нұр-Сұлтан қаласы әкімінің орынбасары Бақтияр Макен, ҚР Сыртқы істер министрлігінің Ерекше тапсырмалар жөніндегі Елшісі Станислав Василенко, ҚР Білім және ғылым Министрінің балалар құқығы жөніндегі кеңесшісі Раиса Шер және т.б. қатысты.

Балалар еліміздің тәуелсіздігі күні қарсаңында «Бәйтерек» басында өз туыстарымен қауышуы өте символикалық мәнге ие. Балалар «Бәйтерек» мүсінін өз суреттерінде салып, оның ішінде бір болып көруді, еліне оралуды армандап келген. Бүгін сол армандарының барлығы орындалып, елге оралып, «Бәйтерек» ішін аралап, өз туыстарымен қауышты. Әр қазақстандық баланың періште арманы орындалуы тиіс және мемлекет те соған мүдделі.

Сондай-ақ, Қазақстандық дипломаттар бірлестігі мен Нұр-Сұлтан қалалық әкімдігі атынан балаларға естелік сыйлықтар берілді.

Алдағы уақытта олардың болашағы мемлекет тарапынан бақылауда болады. Олар еліміздегі барлық балаларымен бірге жалпы білім беру мекемелерінде еш кедергісіз білім алатын болады.

Мектептегі спорт залдар жалға беріледі

«Жалға алатын адам ақшаны бюджетке емес, сол мектептің шотына аударатын болады. Тиімді шешім осы», – дейді министр.

02 Қараша 2019 18:49 930

Мектептегі спорт залдар жалға беріледі

Ақтөбеге жұмыс сапарымен премьер-министрдің орынбасары Бердібек Сапарбаев бастаған Үкіметтік топ келді, деп хабарлайды ҚазАқпарат.

Білім және ғылым министрі Асхат Аймағамбетов Ақтөбе қаласындағы мектеп директорларымен кездесіп, «Мұғалім мәртебесі туралы» Заң жобасын, мектептердегі бақылау жұмыстар мен ұстаздардың жалақысы жайын жан-жақты айтып берді.

«Қылмыс, құқықбұзушылықты азайту үшін біз жастардың бос уақытын тиімді ұйымдастыруымыз керек. Соның ішінде балалар да бар. Бұқаралық спортпен шұғылданатын адамдар санын 30 пайызға жеткізу тапсырмасы тұр. Жыл соңына дейін бұл тапсырма орындалады. Бастысы – спорт нысандарының ішін толтыру. Қазақстанда мәдени, спорттық нысан жеткілікті. Тек оның ішін толтыру мәселесі қалды. Мәселен, еліміздегі мектептертің 86 пайызында спорт, мәжіліс залы бар. Өкінішке қарай, олар кешке жақын, демалыста жұмыс істемейді. Білім және ғылым министрлігі мен Мәдениет және спорт министрлігі бірігіп, шешім қабылдады. Оларды пайдалану керек», – деді Бердібек Сапарбаев.

Еліміздің бас ұстазы Асхат Аймағамбетовты мұғалім мен ата-ана арасындағы байланыстың әлсіздігі алаңдатады.

«Көп мектепте бұл мәселе ашық күйінде қалып отыр. Ата-ана бөлек, мектеп өзге. Ата-ана мектеп шешу керек десе, мектеп ата-анаға ысырады. Екі ортада бала қалып тұр. Жиналыстарға ата-аналар келмейді деп те айтады. Сондықтан форматты өзгертіп, жалпы тәрбие жұмысын жандандырған жөн. Өз-өзіне қол жұмсау, құқықбұзушылықты кешенді түрде шешу қажет», – деді Асхат Аймағамбетов педагогикалық қауыммен кездесуінде.

Мектеп директорларымен кездесу кезінде спорт залдарды көпшілік қолданысына беру жайына да тоқталды. Алдағы уақытта мектептердегі спорт залдар жалға беріледі.

«Жалға алатын адам ақшаны бюджетке емес, сол мектептің шотына аударатын болады. Тиімді шешім осы», – деді министр.