Павлодар қаласының қылмыстық істер жөніндегі ауданаралық соты келісімдік іс жүргізуде тірі адамның ағзасына қатысты заңсыз мәміле жасауға оқталу туралы қылмыстық істі қарады, деп жазады inbusiness.kz сайты.
Тергеу барысында 2024 жылы Ресей Федерациясының азаматшасы пайда табу мақсатында "Telegram" мессенджері арқылы бүйрегін 50 мың АҚШ долларына сатуға келіскені анықталды.
2025 жылы Д. Қазақстан Республикасына келіп, медициналық тексеруден өтті және алдын ала 5 000 000 теңге көлемінде ақшаны алған. Содан кейін полиция қызметкерлерімен ұсталған. Қылмыс оған қатысы жоқ жағдайларға байланысты аяғына дейін жеткізілмей қалды.
Айыпталушы кінәсін мойындап, өкініш білдірді. Сот осыны және қарауында кішкентай балалары болғанын ескеріп 10 айға бас бостандығынан айыру жазасын тағайындады.
Күзетпен ұстауда болған уақытты ескере отырып, жаза өтелді деп танылып, сотталған әйел күзетпен ұстаудан босатылды.
