2023 жылы заңды тұлғалар АКТ жабдықтары мен бағдарламалық қамтамасыз етуді сатып алуға, сондай-ақ, деректер қорын құруға 306,7 млрд теңгені жұмсады. Инфляцияға түзетусіз жылдық төмендеу 2,6%-ды немесе 8,3 млрд теңгені құрады. Бұл туралы inbusiness.kz сайты Data Hub бірінші кредиттік бюросының Telegram-арнасына сілтеме жасап хабарлайды.
"Нәтижесінде, өткен үш жылда байқалған инвестицияның өсу үрдісі үзілді. Дегенмен, төмендеу тіркелген 2022 жылғы көрсеткіш рекордтық – 315 млрд теңге екенін ескеру қажет. Яғни, қазіргі динамика негізінен өткен жылдың жоғары базасымен анықталды", – делінген хабарламада.
Салалар арасындағы құлдыраудың негізгі драйверлері күтпеген көрсеткіштерге жетті. Олар:
- ақпарат және байланыс – 107 млрд теңге (-26,9 млрд теңге);
- қаржы және сақтандыру – 48,2 млрд теңге (-12,2 млрд теңге).
Мұндай күшті құлдырау басқа салалардың айтарлықтай өсуімен ішінара өтелді. Оларға мыналар жатады:
- өнеркәсіп – 40,7 млрд теңге (+10 млрд теңге);
- көлік және қойма – 27,3 млрд теңге (+10,5 млрд теңге).
