/img/tv1.svg
RU KZ
Қазақстанда COVID-19-дан вакцинациялауға жататын топтар анықталып, шығындар есептеледі

Қазақстанда COVID-19-дан вакцинациялауға жататын топтар анықталып, шығындар есептеледі

Ведомствоаралық комиссия Қазақстанның COVID-19-дан егілуге үміткер вакциналар кешеніне қол жеткізу мәселесін қарастырды.  

04 Тамыз 2020 20:57 235

Қазақстанда COVID-19-дан вакцинациялауға жататын топтар анықталып, шығындар есептеледі

 ҚР Премьер-Министрінің орынбасары Е. Тоғжановтың төрағалығымен өткен Ведомствоаралық комиссияның отырысында бірқатар маңызды мәселелер қаралды, деп хабарлайды primeminister.kz сайты.

Денсаулық сақтау, сыртқы істер министрліктері COVID-19 вакцинасын сатып алуға алдын-ала келісімшарттар жасасу бойынша жүргізіліп жатқан жұмыстар туралы баяндады.

Премьер-Министрдің орынбасары мемлекеттік органдарға вакцинациялауға жататын топтарды анықтауды, шығындар бойынша қажетті есептеулер жүргізуді, сондай-ақ COVID-19-дан егілуге рұқсат алатын үміткер вакциналар кешеніне қол жеткізуге мүмкіндік беретін «COVAX Facility» бағдарламасына Қазақстанның қатысу мүмкіндігіне талдау жасауды тапсырды.

Коронавирустық инфекцияға қарсы отандық вакцинаны әзірлеуді жеделдету, сондай-ақ ағымдағы жылдың соңына дейін Жамбыл облысындағы ҚР БҒМ Биологиялық қауіпсіздік проблемалары ғылыми-зерттеу институты жанынан вакциналар өндіретін биофармацевтикалық зауытты іске қосу қажеттілігі ерекше аталып өтті.

Сондай-ақ, Е. Тоғжанов өңірлердің әкімдіктеріне және министрліктерге COVID-19-ға қарсы күреске тартылған медицина қызметкерлеріне тиісті үстемеақылар мен өтемақыларды уақытылы төлеуді қамтамасыз етуді тапсырды.

Отырыста «СҚ-Фармация» ЖШС басшылығының есебі тыңдалды, онда стационарлардағы дәрілік заттардың бір айлық қоры туралы баяндалды. Премьер-Министрдің орынбасары COVID-19 емдеу үшін екі айлық дәрі-дәрмек қорын қамтамасыз етуді, сондай-ақ азаматтарды үйде емдеу үшін қажетті қор құруды тапсырды.

Кеңес қорытындысы бойынша Е.Тоғжанов бірқатар нақты тапсырмалар берді.

 

Тұмауға қарсы Ресей вакцинасы салынады

10 қыркүйек пен 10 қараша аралығында алматылықтарды вакцинациялау шаралары жүргізіледі.

04 Қыркүйек 2020 15:14 351

Бұл туралы тұмауға қарсы тегін вакцина мәселелері бойынша онлайн-сұхбат барысында «Алмалы ауданы МСАК орталығы» ШЖҚ МКК педиатрия бөлімінің меңгерушісі» Майра Макеева мәлім етті. 

«Тұмаудың өзі қауіпті емес. Оның бактериалды асқынуы қауіпті. Нәтижесінде ауру бактериалды пневмонияға ұласып кетуі мүмкін. Сондықтан 10 қыркүйек пен 10 қараша аралығында алматылықтарды вакцинациялау шаралары жүргізіледі», – деген спикер салынатын вакцинаға тоқталды.

«Жыл сайын әлемде тұмаудың А және Б түрі бойынша зерттеулер жүргізілуде. Нәтижесінде вирустың мутацияға ұшырайтынын байқап отырмыз. Сондықтан жыл сайын да вакцина жаңартылып отырады. Биыл да жаңартылған вакцина салынады. Ол Ресейде өндірілген», – деді Майра Макеева. 

Құралай Құдайберген
 

31 тамыздан бастап мешіттер ашылады

Екі апта бұрын Қазақстан мұсылмандары діни басқармасы құзыретті мекемелерге карантин талаптарын сақтай отырып, мешіттерді қайта ашу туралы ұсыныс берген болатын.  

26 Тамыз 2020 20:04 223

31 тамыздан бастап ҚМДБ-ға қарасты еліміздегі бірқатар мешіттер жекелеген намаз бен құлшылықтар үшін, санитарлық талаптарды сақтай отырып ашылады, деп хабарлайды muftyat.kz.

Премьер-министрдің орынбасары Ералы Тоғжановтың төрағалығымен өткен Ведомствоаралық комиссия отырысында шектау шараларын жеңілдетудің екінші кезеңі мақұлданды.

Ведомствоаралық комиссия елдегі оң жағдайды ескере келе, 31 тамыздан бастап бірқатар нысандардың қызметін қайта бастауға рұқсат берді. Атап айтқанда, діни объектілер, бассейндер, жаттығу залдары, спорт кешендері, мәдениет нысандары, мемлекеттік ұлттық табиғи парктер, қорықтар, резерваттар, сондай-ақ қала маңындағы жолаушылар пойыздары, электр пойыздары, қалааралық, облысішілік автобустар, шағын автобустардың қозғалысына рұқсат беріледі.

«Барлық нысандарға тиісті дайындық актілерін алғаннан кейін ғана жұмысқа кірісуге рұқсат беріледі. Өңірлердің әкімдіктері Денсаулық сақтау министрлігі, «Атамекен» ҰКП-мен бірлесіп, қоғам белсенділерін тарта отырып, енгізілетін нысандардың барлық санитарлық талаптарды қатаң сақтауын қамтамасыз етуі қажет» деп атап өтті Ералы Тоғжанов.

Ведомствоаралық комиссия шешіміне сәйкес 31 тамыздан бастап ҚМДБ-ға қарасты еліміздегі бірқатар мешіттер жекелеген намаз бен құлшылықтар үшін, санитарлық талаптарды сақтай отырып ашылады.