Қазақстанда интернет-төлқұжат заңдастырылады

789

Қазақстанда интернет-төлқұжат заңдастырылады

Елімізде интернет-төлқұжат заңдастырылмақ. Онлайн-құжат азаматтарды қашықтықтан тіркеу жобасы аясында қолға алынып отыр. Қазіргі таңда Ұлттық банктің арнайы тобы қажетті жұмыстарды жүргізіп жатыр. Сондай-ақ, Ақпарат және коммуникация министрлігі, "Зерде" холдингі, Бірінші несие бюросы мен ірі банктер де қолдау көрсетіп отыр. Бүгінде жобаның тұжырымдамасы жасалған. Оған сәйкес азаматтар халыққа қызмет көрсету орталықтарында, Қазпоштада, банк бөлімшелерінде өздерінің мәліметтерін өткізе алады. Яғни, дауыс жазбасы, көз қарашығы, саусақ іздері, электронды қолтаңбасы мен фотосуретін тіркетуі тиіс. Сандық төлқұжат қазақстандықтарға кез келген қаржы және өзге де қызметтерді қашықтықтан алуына мүмкіндік береді. Жүйенің негізін халықаралық Морфобиометриалық компаниясы жасап береді. Әзірге жүйені енгізу мерзімі белгісіз.

Руслан Омаров "Бірінші несие бюросының" бас директоры: "Интернет-төлқұжат көпмодальді биометриалық өнім, қызмет. Ол адамның саусақ іздері, көздері мен даусы арқылы тұлғасын анықтайды. Осылайша кез келген операцияны орындауға болады. Сондай-ақ, тұтынушыға қашықтықтан қызмет көрсетіледі. Бұл қоғамға сандық жүйені енгізуде үлкен рөл атқарады".

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу