Ауыл шаруашылығы министрлігі "Қазақстан Республикасының аумағынан қант экспортының кейбір мәселелері туралы" бұйрық жобасын дайындады, деп жазады inbusiness.kz сайты.
"2024 жылғы 31 тамызға дейін Қазақстан Республикасының аумағы арқылы қанттың халықаралық транзитін қоспағанда, қантты Қазақстан Республикасының аумағынан, оның ішінде Еуразиялық экономикалық одаққа мүше мемлекеттерге әкетуге тыйым салу енгізілсін. Қазақстан, сондай-ақ қанттың Еуразиялық экономикалық одаққа мүше бір мемлекеттің аумағынан Еуразиялық экономикалық одаққа мүше басқа мемлекеттің аумағына Қазақстан Республикасының аумағы арқылы индикативті теңгерімдердің шегінде тасымалдануы шарт", - деп жазылған құжатта.
Ауыл шаруашылығы министрлігінде түсіндіргендей, ішкі нарықтың қажеттілігі жалпы тұтынудың тек 13%-ы ғана отандық шикізаттан қант өндіру есебінен, қалған бөлігі – шикі қамысты өңдеу және шикізаттан дайын қантты жеткізу есебінен қанағаттандырылады. ЕАЭО елдері (Ресей Федерациясының үлесі – 57%, Беларусь Республикасы – 1,5%).
Бұл ретте Ресей Федерациясынан 120 мың тонна квота шегінде қант жеткізу Беларусь Республикасынан келетін импортты қоспағанда, қосымша 2,5 айға ішкі нарықтың қажеттілігін қамтамасыз етеді.
