Қазақстанда кәсіпкерлерден бірқатар салық түрлері алынып тасталды

138

Елімізде кәсіпкерлерге артылар жүк біршама жеңілдемек.

Қазақстанда кәсіпкерлерден бірқатар салық түрлері алынып тасталды Фото: pixabay.com

Маңғыстау облысы бойынша Мемлекеттік кірістер департаменті Мемлекет басшысының тапсырмасымен қолданыстағы Салық кодексіне өзгерістер енгізілгенін, оған сәйкес жеке және заңды тұлғалар осы жылдың шілде айынан бастап ерекше қорғалатын табиғи аумақтарды пайдаланғаны үшін бюджетке төлем төлемейтінін түсіндіреді, деп хабарлайды inbusiness.kz сайты.

Сондай-ақ жаңа Салық кодексінің жобасында міндетті төлемдер тізбесінен сыртқы (көрнекі) жарнаманы орналастырғаны үшін алым және қызметтің жекелеген түрлерімен айналысуға лицензияны пайдаланғаны үшін алым алынып тасталды.

Осылайша, кәсiпкерлiк субъектiлерi (заңды және жеке кәсiпкерлер) жарнамаларды орналастырған кезде, сондай-ақ қызметтiң жекелеген түрлерiмен (алкоголь өнiмдерiн сақтау және өткiзу және қызметтiң өзге де түрлерiмен) айналысуға лицензияларды пайдаланған кезде бюджетке мұндай төлемдердi жүзеге асырмайды.

"Өз кезегінде, Жаңа Салық кодексінің жобасы Парламент Мәжілісінде қаралып жатқанын хабарлаймыз. Бұл ретте Салық кодексін енгізу 2026 жылға жоспарланған", - делінген хабарламада.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу