Қазақстанда кәсіпкерлерге көмек көрсетудің жедел штабы іске қосылды

1039

Кәсіпкерлер палатасы жедел штабтың міндеттерін айқындады. 

Қазақстанда кәсіпкерлерге көмек көрсетудің жедел штабы іске қосылды

Коронавирус салдарынан тауар жеткізілімдері тізбегінің үзілуі және ҚР-дың негізгі экспорттық позицияларына әлемдік бағалардың айтарлықтай төмендеуіне байланысты "Атамекен" Ұлттық кәсіпкерлер палатасы отандық бизнеске түсетін теріс әсерді төмендету мақсатында Жедел штаб құру туралы хабарлайды

Жедел штабтың міндеттері:

-бизнеске келтірілуі мүмкін тәуекелдерді және ағымдағы экономикалық ситуациядағы теріс салдарды бағалау: импорттық шикізат, жабдық және қосалқы бөлшектерді сатып алудағы проблемалар; қаржыға қолжетімділік (қаражат айналымы, валюталық заем, қайта қаржыландыру қажеттілігі және т.б.);

- бизнестен алынған мәліметтерді күнделікті негізде жүйелеу және өңдеу;

- бизнестің дамуына мүмкіндіктерді анықтау (өткізу нарықтары, қолдау шаралары);  

- бизнестен алынған мәліметтер негізінде Үкіметке ұсынымдар әзірлеу.

Бизнес өкілдерімен кері байланыс ҰКП-ның call-орталығы арқылы (қысқа нөмір: 1432) іске асырылады. Мына сілтемеде қысқаша сауалнаманы тауып, негізгі сұрақтарға жауап беруге, сұрақтар қойып, ұсыныстар қалдыруға болады.

"Атамекен" Ұлттық кәсіпкерлер палатасы отандық бизнес-қоғамдастықты орын алған мәселелер бойынша жедел кері байланыс орнатуға, ұсыныстар беруге, сондай-ақ жеке бизнеске ықтимал болған тәуекелдер мен мүмкін болатын салдар туралы хабарлауға шақырады.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу