/img/tv1.svg
RU KZ
Қазақстанда кедей елдерге қол ұшын беретін агенттік құрылады

Қазақстанда кедей елдерге қол ұшын беретін агенттік құрылады

Сыртқы істер министрлігіне қарасты бұл мекемеге «KazAID» атауы берілген.  

11 Тамыз 2020 21:43 320

Қазақстанда кедей елдерге қол ұшын беретін агенттік құрылады

Қазақстанда кедей елдерге қол ұшын беретін агенттік құрылмақ, деп хабарлайды Atameken Business.

Ашық нормативтік құқықтық актілер порталына жарияланған ақпаратқа сүйенсек, аталмыш орталық коммерциялық қызметтен тыс жұмыстарды жүзеге асыратын болады. Нақты айтқанда, жағдайы мүшкіл өзге елдерге қаржылай, техникалық және басқа қолдау шараларын ұйымдастырады. Ал оның жарғылық капиталы республикалық бюджет есебінен жүргізілмек. Осылайша, 2017 жылдан бері талқыға түскен жоба келесі айдың ортасында өз жұмысын бастайды.

 

Елімізге қанша гуманитарлық көмек келді?

Республикалық бюджетке жүк түсіп отыр. 

15 Шілде 2020 14:28 201

Әлемнің 15 елінен Қазақстанға гуманитарлық көмек ретінде 5 млн 200 мың медициналық маска, 98 өкпені жасанды желдету аппараты, 260 мың тест жүйесі, 3 мыңға жуық тепловизор мен термометр жеткізілді.

Сыртқы істер министрінің орынбасары Ержан Ашықбаев осылай деді. 

Вице-министрдің мәлімдеуінше, ҚХР, АҚШ, Ресей, БАӘ, Жапония, Түркия, Оңтүстік Корея, Катар, Өзбекстан және халықаралық ұйымдар мен  компаниялар, шет мемлекеттердің қайырымдылық қорлары және жеке тұлғалар елімізге жан-жақты қолдау көрсеткен. 

«Гуманитарлық көмек қаншалықты ауқымды болса да, үлкен жүк үкіметке,  республикалық бюджетке түсіп отыр. Ең үлкен жауапкершілік денсаулық сақтау министрлігі мен денсаулық сақтау жүйесіндегі әріптестерімізге жүктелген», – деді Ержан Ашықбаев.

Қанат Махамбет 

Астана процесі шеңберіндегі Сирия бойынша кездесу желтоқсанға шегерілді

СІМ кепілгер елдердің жауабын күтіп отыр.

18 Қараша 2019 09:48 339

Фото: sputniknews.kz

Кезекті кездесу Нұр-Сұлтан қаласында желтоқсан айының басында өтеді. Бұл туралы ҚР Сыртқы істер министрі Мұхтар Тілеуберді хабарлады. 

Бұған дейін жиын қазан айының соңында өтеді деп жоспарланған болатын. Бірақ конституциялық комитеттің жиналысына байланысты кейінге қалдырылып отыр. 
«Желтоқсанда өтіп қалуы әбден мүмкін», – деді Мұхтар Тілеуберді. 

Оның айтуынша, қазір СІМ кепілгер елдердің – Ресей, Түркия және Иранның ресми жауабын күтуде. 

Табиғат Нұрболат