Қазақстанда 7 қаңтардан бастап коммерциялық емес ұйымдар үшін есеп беру мерзімі өзгереді, деп хабарлайды inbusiness.kz Мемлекеттік кірістер комитетіне сілтеме жасап.
"Коммерциялық емес ұйымдар үшін есеп беру мүмкіндігі жарты жылда бір рет ұсынылады. Бұған дейін 018.00 нысаны бойынша есеп беру тоқсан сайын ұсынылатын", – деп хабарлады Кірістер комитеті.
Сондай-ақ Салық кодексінің 29-бабына сәйкес, коммерциялық емес ұйымдар мемлекеттік кіріс органдарына шет мемлекеттерден, халықаралық ұйымдардан, шетелдіктерден заң көмегі, қоғамдық пікірді зерттеу, сауалнама жүргізу үшін қаржы немесе өзге де мүліктің түскені, жұмсалғаны туралы хабарлауға міндеттелді.
"Қызметі үшін шетел валютасында гранттар мен басқа да қаражат алатын коммерциялық емес ұйымдар өздерінің жобаларын қатаң түрде бюджетке сәйкес және қаражаттың мақсатты мақсатына сәйкес жүзеге асыруға міндетті. Коммерциялық емес ұйым барлық қаражатты валюта түріне қарамастан донормен көзделген мақсаттар мен міндеттерге толығымен бағыттауға және донорға бюджет туралы есеп беруге міндетті. Көп жағдайда жобалар ұзақ мерзімді болатынын ескере отырып, есеп беруді жарты жылда бір рет тапсырған жөн, осылайша қаражаттың жұмсалуы туралы нақты есеп толық болады", – деп түсіндірді хабарламада.
Осылайша, коммерциялық емес ұйымдар үшін жоғарыда аталған есептерді жарты жылда бір рет тапсыру мүмкіндігі бар. Өзгерістер 2022 жылдың 7 қаңтарынан бастап күшіне енеді.
