Бұл туралы Орталық коммуникациялар қызметі алаңында өткен брифингте Денсаулық сақтау министрі Алексей Цой мәлімдеді.
"Халықты тестпен барынша қамтамасыз ету үшін жедел жәрдем қызметі шақыртуларға барып, тест алады. Әр өңірде COVID-2019 бойынша халықты тестпен қамту үшін эпидемиологиялық ахуалға байланысты талаптарды айқындау көзделіп отыр", – деген Алексей Цой бүгінде жедел жәрдем қызметіне арыз-шағым көбейіп кеткенін жеткізді.
"Жалпы Қазақстанда жедел жәрдем шақыру жиілігі 1,8 есе артты. Нұр-Сұлтан мен Алматы сынды ірі қалаларда көрсеткіш 2-2,5 жарым есе өсті.Өте өзекті мәселелердің бірі – бригадалар мен жедел жәрдем көлігінің жетіспеуі. Қазіргі кезде елімізде жасалған 807 жедел жәрдем көлігін сатып алу туралы келісімге қол жеткіздік. Бұған қоса медициналық емес ұйымдардың көліктерінің көмегімен корона-такси қызметін іске қосу жоспарланып отыр. Бұл қызмет шетелде кеңінен қолданылып келеді. Осы ұсыныстар ведомтствоаралық комиссияның қарауына берілді. Қолдауға ие болар деген үміттемін", – деді министр.
Құралай Құдайберген
