Питчингте кәсіпкерлер сәулет және урбанистика, бренд интеграциясымен ойын идеялары, қазақ тілді аудиторияға арналған маркетингтік стратегиялар, дизайн және сән, экотуризм, жаңа медиа және кино бағыттары бойынша өз жобаларын ұсынды.
Жобаны Jusan, BI group, Forte сияқты инвесторлар пулы қолдады.
Питчингке қатысушыларды құттықтай отырып, Kazakh Tourism Басқарма төрағасының орынбасары Қайрат Садуақасов Қазақстанның креативті индустриясын дамытуға қосқан үлесі үшін барлық инвесторларға алғыс айтып, Мәдениет және спорт министрлігінің атынан алғыс хаттар табыс етті.
Айта кетейік, стартаптардың питчингі инвесторларға көпшілік алдында өз жобаларын таныстыру және қорғау.
"Тек талантқа ие болу немесе идеяны ойлап табу – бұл 10% жетістік. Табыстың 90%-ы - оны дұрыс ұсына білу, сата білу маңызды. Осымен креативті салалардың мәдениет пен өнер саласынан және филантропиядан ерекшеленеді. Бүгінгі воркшоп пен ертеңгі питчинг – бұл сіздің талантыңызды немесе идеяңызды жинақтап көрсете білуге арналған жаттығу", - деп бөлісті Қайрат Садуақасов.
Kazakh Tourism креативті туризм департаментінің директоры Ирина Харитонова питчинг креативті сектордың сұраныстарын талдағаннан кейін жүргізіліп отырғанын атап өтті: "Біз креативті индустрия өкілдері үшін мемлекеттің дамуына қалай көмектесетіні туралы сауалнама жүргіздік. Сауалнамаға қатысқандардың шамамен 2/3 бөлігі осы салаға инвестиция салу қажеттілігін атап өтті, ал қалғандары үй-жайлардың жетіспеушілігін жеткізді".
Питчинг 2 күнді қамтыды, оның біріншісі оқу элементтері бойынша креативті кәсіпкерлермен жұмыс істеуге арналды.
Бірінші күні, шақырылған спикерлер мен инвесторлар өз білімдерімен бөлісіп, қатысушыларға питчингке қалай дайындалу керектігін түсінуге көмектесетін жаттықтырушы сессиялар өткізді. Бұл жобаны инвесторларға ұсыну кезінде ескеру өте маңызды.
Ал екінші күні инвесторлар қысқа тізімге енген 36 жобамен танысты. Авторлары -Астана, Алматы, Қарағанды, Шымкент және Талдықорған қалаларының креативті индустрияларының өкілдері.
Forte компаниясының маркетинг жөніндегі директоры Антон Ким өзінің сөзіндекреативті өмірдің барлық салаларында қолданудың маңыздылығы туралы айтты.
"Креатив - бұл мәселелерді шешуге, стандартты емес тәсілдерді іздеуге мүмкіндік. Біз ынтымақтастыққа ашықпыз. Креативті салалардың бағыттары бойынша барлығы қызықты, бірақ бұл питчингте біз жаңа медиаға, киім үлгісінен бастап графикаға, диджитал дизайнға дейінгі барлық жобаларға назар аударамыз", – деп атап өтті Антон Ким.
Сонымен қатар, жобаларды бағалау және таңдау кезінде компания пайдалы және әлеуметтік маңыздылығынан басқа, жобаның коммерциялық құрамдас бөлігінің болуын басшылыққа алатынын атап өтті. Forte қарастыру үшін 10 жобаны таңдады.
Сондай-ақ, PR, ESG Jusan маркетинг жөніндегі басқарушы директоры Олегжан Бекетаев қазақ контенті мен театрын дамыту бойынша жобаларына қолдау білдірді.
"Еліміздің ірі бизнес өкілдері алпауыт компанияларының қазақ тіліндегі жобаларға көңіл аударып, ұлт құндылықтарын қолдауға тырысып жатқаны қуантарлық жағдай. Осы іс-шара барысында жер-жерден келген қаншама креативті адамдармен таныстық, ой бөлістік, өзімізге жаңа көкжиектер аштық. Инвесторлардың алдына шығу, бұл - біз үшін өсу, өзімізді көрсету, дамуға жаңа мүмкіндік", - деп атап өтті "Қара шаңырақ" РҚБ басшысы Тұрар Шәкен.
Элина Сүлейменова, BI Group бөлімінің маркетинг басқармасының басшысы: "Біз 6 жобаға таңдап, оларды қарастыруды шештік. Kazakh Tourism компаниясымен бірлесіп воркшоп ұйымдастырып, жобаларды әрі қарай қандай форматта қолдайтынымызды анықтаймыз".
Соңғы жылдары Қазақстанда ұлттық бірегейлік белсенді дамып келеді: қолөнершілер жәрмеңкелері ұйымдастырылуда, халық шығармашылығы өркендеуде, жастар қазақстандық брендтердің киімдерін жиі киіп жүр. Осы трендке сүйене отырып, Әсел Қожақова барлық іс-шараларды біріктіріп, Kamzol Fest ұлттық костюмінің жыл сайынғы фестивалін құруды және оны Қазақстанның түрлі қалаларында өткізуді ұсынды.
"Life Investment Group" ЖШС басшысы Асқар Жапаров инвесторлар алдында бірден үш жобаны ұсынды: Астанадағы "Шығыс қаласы" туристік нысаны, Қазақстан астанасы аумағында тарихи орта моделін құру, "Жеті ата" этно-мемориалдық кешені және "Шымбук" бамбук орман паркі.
Бәкірова Динара Серікқызы "Алтын адам Жетісу шеберлер орталығы" ҚБ төрағасы "Ұлы Жібек жолын жаңғырту" жобасымен қолөнер этноорталығы, "Мамания" шығармашылық мектебі" бизнес-акселератор, Жасыл экономика жобасымен шықты.
"Arujan Production" кинокомпаниясының негізін қалаушы Жанар Жақанова балалар фильмдері бойынша жобаны таныстырды.
"Қазақстанда шытырман оқиғалы және фэнтези жанрлардағы балалар фильмдері жоқ. Біздің балаларымызға өздерінің ұлттық супер қаһармандары қажет және біз Қазақстанда Disney аналогын құрғымыз келеді", деді ол.
Бұл алаң сонымен қатар креаторлардың ішінде ынтымақтастық құруға арналған платформаға айналды.
