"Министрлік "Байланыс туралы" Заңның 41-1 бабында қарастырылған тәртіп бойынша аталған интернет-ресурсқа (LinkedIn) кіру мүмкіндігін шектеді", - делінген министрліктің бүгін таратқан хабарламасында.
Ведомствоның хабарлауынша, LinkedIn интернет-ресурсына жүргізілген мониторинг барысында онлайн-казиноларды жарнамалауға және олардың иелері емес нақты адамдардың атынан жалған аккаунттарды құруға қатысты бірқатар заңбұзушылықтар анықталған.
"Мұндай материалдарды орналастыру Қазақстан Республикасы заңнамасының талаптарына ғана емес, Linkedin интернет-ресурсының ішкі ережелеріне де қайшы келетінін ескеру қажет", – делінген баспасөз хабарламада.
LinkedIn әкімшілігіне анықталған заңбұзушылықтарды және тиісті материалдарды жою жөнінде шаралар қабылдауды талап ететін хабарлама жіберілген. Алайда интернет-ресурстың әкімшілігі бұл ескертуді елемеген. Ведомствоның хабарлауынша, заңбұзушылықтар жойылса, әлеуметтік желіге қайта кіруге болады.
