"Қазақстан инжиниринг" компаниясы "№ 405 Авиажөндеу зауыты" мен "Ростех" корпорациясына қарасты "Вертолеты России" АҚ-мен Ми-8АМТ/Ми-171Қазақстанда құрастыру туралы келісім жасады, деп хабарлады қорғаныс және аэроғарыш өнеркәсібі министрлігінің баспасөз қызметінен.
"Тікұшақтарды құрастыру және оны тапсырыс берушінің талабына сай бейімдеу "№ 405 Авиажөндеу зауыты" АҚ өндірістік алаңында іске асырылмақ. Аталған кәсіпорынның Ми-8АМТ/Ми-171 тікұшақтарын жөндеу мен жетілдіруге, сондай-ақ техникалық қызмет көрсетуге талап етілетін қажетті сертификаттары бар.
Сондай-ақ бұл тікұшақтардың осы түрін қауіпсіз пайдалануды қамтамасыз етуге біліктілігі сай келетін Қазақстандағы бірден бір кәсіпорын.
Тікұшақтарды құрастыру өндірісі отандық қорғаныс өнеркәсібін, азаматтық тікұшақ индустриясын және оқу-жаттығу базаларын едәуір дамытуға мұрындық болады. Қазір Ми-8АМТ/Ми-171 тікұшақтарына негізігі тапсырыс берушілер – мемлекеттік мекемелер мен коммерциялық әуе компаниялар.
Ми-8АМТ/Ми-171 тікұшақтарын М.Л. Миль атындағы Мәскеу тікұшақ зауыты жасаған, олар жолаушылар тасуға, салмағы 4000 кг дейін жүктерді кабина ішінде немесе сыртта іліп тасымалдауға, іздеу-құтқару жұмыстары мен өрт сөндіруге арналған.
