Қазақстанда Migration.enbek.kz көші-қон ресурстары порталы (бұдан әрі – Migration порталы) іске қосылды. Ол елге келетін шетелдік азаматтар туралы ақпаратты орталықтандырылған басқару құралдарын біріктіреді, сондай-ақ, көші-қон саласында көрсетілетін мемлекеттік қызметтердің сапасын арттыруға мүмкіндік береді, деп жазады inbusiness.kz сайты.
Migration порталы – бизнес-процестерді реинжинирингтеу және көші-қон саласындағы мемлекеттік органдардың ақпараттық жүйелерінің өзара іс-қимылын дамыту жолымен құрылған инновациялық платформа.
Сонымен қатар, портал шетел азаматтары туралы ақпаратты орталықтандыру және біріздендіру көші-қон процестерінің әртүрлі кезеңдерін синхрондауға, деректерді тиімдірек басқаруға, оларды өңдеу мерзімдері мен шығындарын қысқартуға мүмкіндік береді.
Бұдан бөлек, порталда көші-қон саласындағы мемлекеттік қызметтердің кең спектрі бар. Мәселен: "Қандас" мәртебесін беру, қоныс аударушылар мен қандастарды қабылдаудың өңірлік квотасына енгізу, "Ата жолы" картасын беру, пана іздеуші адам куәлігін алу және т. б.
Айта кетейік, портал және көрсетілетін мемлекеттік қызметтер туралы қосымша ақпаратты migration.enbek.kz сайтынан алуға болады.
