Қазақстан 2024 жылы 90,3 миллион тонна мұнай өндіруді жоспарлап отырғаны белгілі болды. Бұл өткен жылмен салыстырғанда 0,3%-ға жоғары, деп хабарлайды inbusiness.kz сайты.
Бұған дейін, ведомство басшысы Алмасадам Сәтқалиев 2023 жылдың соңына дейін республикада бұл көрсеткішті 93 миллион тоннаға жеткізу бойынша бастапқы жоспармен 90 миллион тоннаға жуық мұнай өндірілгенін айтқан болатын.
Оның айтуынша, жоспарлардың орындалмау себебі мұнай кәсіпорындарындағы жөндеу жұмыстарына және ОПЕК+ келісімі бойынша Қазақстанның міндеттемелерін орындауға байланысты.
Қазақстан 2024 жылдың 1 қаңтарынан наурыз айының соңына дейін мұнай өндіруді тәулігіне 82 мың баррельге (б/т) қосымша ерікті түрде қысқартуға міндеттеме алды. Бұл қысқартуды Қазақстан 2023 жылы сәуірде жариялаған және тәулігіне 78 мың баррельге дейін ерікті қысқартуға қосымша болып табылады. Ол 2024 жылдың желтоқсан айының соңына дейін жалғасады.
