Осы жылдың қаңтар-шілде аралығында елімізде 296,4 мың тонна нан өндірілген. Бұл былтырғыға қарағанда 0,7%-ға аз, деп жазады inbusiness.kz energyprom.kz порталына сілтеме жасап.
Өндірістің ең үлкен көлемі Түркістан облысында тіркелді: 71,1 мың тонна. Аталған өңірге республика бойынша өндірістің 24 пайызы тиесілі. Үштік қатарында Алматы (31,4 мың тонна) және Ақтөбе облысы (27,6 мың тонна) бар. Ұлытау облысында ең төмен көрсеткіштер тіркелді: 2,7 мың тонна.
Шілде айының қорытындысы бойынша нан бір жылда 8,6%-ға қымбаттады. Оның ішінде қара бидай наны 12,7%-ға, жоғары сұрыпты ұннан жасалған нан 12,4%-ға, бірінші сұрыпты ұннан жасалған нан бағасы бір жылда 5,8%-ға өсті.
Өңірлердің арасында Ұлытау облысында ең жоғары жылдық баға өсімі тіркелді: +20%. Антилидерлердің үштігіне Маңғыстау облысы (17,6%) және Алматы (16,3%) кірді. Жылдық динамикада бағаның ең төмен өсуі Батыс Қазақстан облысында байқалды: 2%-ға.
