Еуропада астық тапшылығынан баға өсіп жатыр. Ал бұл шиеленістің біздің нарыққа әсері қандай болмақ?
Бұл өзгеріс бидай өндіруші елдердің үздік он бестігіне кіретін Қазақстанға да әсер етпей қоймайды. Біздің нарықта бірінші кезекте бидай экспорты артуы мүмкін. Себебі Ресей енді басымдықты Орталық Азияға емес Еуропаға өнім жіберуге береді. Ондағы сұраныс пен тапшылық бағаның өсуіне жол ашады. Ал мұны солтүстіктегі көршіміз өз мүддесіне пайдаланатыны айтпаса да түсінікті.
"Менің ойымша бұл Ресейге қосымша үлкен мүмкіндік туғызуы мүмкін. Өйткені Ресейде қазір 60 млн тоннаға жуық 2022 жылдан қалған қалдық бар. Бидай мен дәнді дақылдар қалдықтары. Арпасы бар, жүгерісі бар басқасы бар. Енді соны әрі қарай басқа нарықтарға сатуға мүмкіндік туғызуы мүмкін", - дейді "KazGrain" Ұлттық экспорттаушылар қауымдастығының төрағасы Зейнолла Әбдіманапов.
