Бұл туралы Ұлттық статистика бюросы хабрлады, деп жазады inbusiness.kz.
"Барлық меншік нысанындағы ұйымдардың жаңа негізгі қорлардың сатып алуына биылғы қаңтар-ақпанда 1616,4 млрд теңге бағытталды. Бұл 2022 жылдың сәйкес кезеңімен салыстырғанда негізгі капиталға салынған инвестициялардың (салыстырмалы бағамен) 19,2%-ға өсуін қамтамасыз етті", - делінген хабарламада.
Ақпаратқа сәйкес, негізгі капиталға салынған инвестициялардың ұлғаюы 19 өңірде тіркелді, ал Абай облысында 4,5%-ға азаюы байқалған. Инвестицияның негізгі үлесі Атырау облысына (26,2%) құйылды.
"Секторда инвестициялардың басым үлесі өнеркәсіп (53,1%), тау-кен өндіру өнеркәсібі және карьерлерді қазу (39%), көлік пен қойма (9,5%), жылжымайтын мүлікпен байланысты операцияларға (21%) тиесілі болды", - деп хабарлады Ұлттық статистика бюросы.
