Қазақстанда өнеркәсіп өндірісі 2020 жылдың қаңтар-қазанында өткен жылдың сәйкес кезеңімен салыстырғанда 0,6% төмендеді, деп хабарлайды Ұлттық статистика бюросы.
Тау-кен өндіру өнеркәсібі мен карьерлерді қазу өнеркәсібінде өндіріс 3,1% -ға, сумен жабдықтау, ластау шараларынан шыққан қалдықтарды жинау, тазарту және жою бойынша өндіріс 3,6% төмендеді. Өңдеу өнеркәсібінде, керісінше өндіріс 3,2%, электрмен жабдықтау, газ, бу беру және ауа баптауда 0,9% өсті.
2020 жылғы қаңтар-қазанда шикі мұнай, табиғи газ өндіру және металл кендерін өндіру 2019 жылдың қаңтар-қазанымен салыстырғанда төмендеді. Тамақ өнімдері, сусындар, ағаштан жасалған бұйымдар, фармацевтика және машина жасау өндірісі өсті. Мұнай өнімдерінің өндірісі және химия өнеркәсібі төмендеді.
Өнеркәсіптік өндірістің өсуі республиканың 17 облысының 11-інде байқалды.
