Алматыдағы жер сілкінісі бойынша брифинг барысында Ұлттық сейсмологиялық бақылаулар мен зерттеулер ғылыми орталығының директоры Дәулет Сәрсенбаев Қазақстанда сейсмологтардың тапшылығына тоқталды. Оның айтуынша, бұл еліміздің бірде-бір жоғары оқу орнында осы саланың мамандарын даярламайтындығына байланысты, деп хабарлайды inbusiness.kz сайты.
"Үкіметтің 2022 жылғы қаулысымен 2023 жылғы 1 желтоқсандағы Мемлекеттік мүлік және жекешелендіру бұйрығы негізінде Сейсмология институты мен Сейсмологиялық тәжірибелік-әдістемелік экспедиция Ұлттық сейсмологиялық бақылау және зерттеу ғылыми орталығы болып бірігу жолымен қайта құрылды. Қазір, біз Төтенше жағдай министрлігімен бірлесіп, еліміздің жоғары оқу орындарында оқытылмаған сейсмология мамандығын жандандырып жатырмыз", - деді Дәулет Сәрсенбаев.
Оның айтуынша, олар бұған дейін инженерлерді, тау-кен мамандарын, геологтарды, геофизиктерді тартып, қайта даярлау арқылы мәселені шешуге тырысқан. Алайда, кадрларға деген қажеттілік әлі де бар.
Сондай-ақ, Сәрсенбаев бүгінгі күні Қаныш Сәтбаев атындағы Қазақ ұлттық ғылыми-техникалық университетінде сейсмология мамандығының ашылуына тиісті құжаттама дайындалып жатқанын атап өтті.
