"Климаттың өзгеруі су ресурстарының тапшылығына әкеп соқты. Осының салдарынан суармалы жерлердің алаңы соңғы 30 жылда 2 есе – 3 млн га-дан 1,4 млн га-ға дейін қысқарды. Сондықтан қазіргі заманғы су үнемдеу технологияларына көшу, әртараптандыру шеңберінде ылғалды көп қажет ететін дақылдар алаңдарын қысқарту, су ресурстарының жаңа көздерін іздеу есебінен суаратын суды ұтымды пайдалану – негізгі шешімдер болып отыр", – деді Үкіметтің бүгінгі отырысында Ауыл шаруашылығы министрі міндетін атқарушы Ербол Қарашөкеев.
Оның айтуынша, азықтық дақылдардың тұқым шаруашылығы жүйесін дамыту керек. Қазіргі уақытта елімізде азықтық дақылдар бойынша тұқым шаруашылығының 59 субъектісі бар. Алайда олардың тұқым өндіру мүмкіндіктері толық пайдаланылмайды.
Аян Бекенұлы
