Қазақстанда сұйытылған мұнай газын шығаруға тағы жарты жылға тыйым салынады, деп хабарлайды inbusiness.kz сайты.
"Қазақстан Республикасының аумағынан сұйытылған мұнай газын (ЕАЭО СЭҚ ТН коды – 2711 12 970 0), пропанды (ЕАЭО СЭҚ ТН коды – 2711 12 940 0) және бутанды (ЕАЭО СЭҚ ТН коды – 2711 13 970 0) автомобиль және теміржол көлігімен шығаруға алты ай мерзімге тыйым енгізілсін", – делінген энергетика министрінің бұйрығында.
Тыйым салынбайды:
1) "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 722-бабының 1-тармағына сәйкес салық режимінің тұрақтылығына ие, өнімді бөлу туралы келісім (келісімшарт) не Қазақстан Республикасының президенті бекіткен жер қойнауын пайдалану келісімшарты шеңберінде өндірісті жүзеге асырған жер қойнауын пайдаланушылардың шығаруына;
2) Қарашығанақ кен орнында қазақстандық шикізаттан өндірілген (қайта өңделген) тауарларды Қазақстан Республикасының халықаралық шарттары негізінде шығаруға;
3) Қазақстан Республикасынан тыс жерлерде басталатын және аяқталатын орны ауыстырылатын транзиттік тасымалдарға.
Бұйрық 14 мамырдан бастап қолданысқа енгізіледі.
