Қазақстандық күш құрылымдары өткізген арнайы операция кезінде Қырғыздың Жогорку Кенеш депутаты Дамирбек Асылбек уулу да ұсталған болатын. Қазақстан тарабы Қырғызстан сыртқы істер министрлігіне ұсталған депутаттың қос елдің де азаматы екенін мәлімдеді, деп хабарлайды sputniknews.kz.
Қырғызстан заңнамасына сәйкес екі елдің азаматтығын алған адам депутат бола алмайды.
Депутаттың партияластары Асылбек уулу "Қырғызстан" парламенттік фракциясының белсенді мүшесі екенін, бауырлас екі елдің атынан күрестен жарыстарға қатысып, спорттың осы түрінің дамуына үлкен үлес қосқанын айтады.
Бұдан бұрын белгілі болғандай, жақында Қазақстанда контрабандамен күрес шарасы аясында арнайы ірі операция жүргізіліп, 29 күдікті ұсталған болатын. Қазақстанның бас прокуратурасының ақпаратынша, ұсталғандар арасында кеден мен құқыққорғау органдарының лауазымды тұлғалары, брокерлер, делдалдар мен қылмыстық топ өкілдері, сондай-ақ Қырғызстанның екі азаматы бар.
