2023 жылдың 9 айында құқықтар мен бухгалтерлік есеп саласында көрсетілген қызметтердің көлемі 2022 жылдың сәйкес кезеңімен салыстырғанда, 2,6%-ға өсті, деп хабарлайды inbusiness.kz сайты finprom.kz порталына сілтеме жасап.
Үш тоқсанның қорытындысы бойынша, қызмет көрсету көлемінің 86,7%-ы тек Алматы мен Астана қалаларында орын алды. Сәйкесінше, бұл көрсеткіш 65 млрд және 30,7 млрд теңгені құрайды. Сонымен қатар, Атырау (2,4 млрд теңге), Қарағанды (2,2 млрд теңге), Қостанай (1,6 млрд теңге), Ақтөбе (1,3 млрд теңге) облыстарында және Шымкент қаласында (1,1 млрд теңге) айтарлықтай көлемдер байқалды. Қалған өңірлердің жалпы сомасы небәрі 6 млрд теңгені құрады.
Сектордағы қызметтер құрылымында 74,9 млрд теңге бухгалтерлік қызметтерге, оның ішінде 37,1 млрд теңге — шоттар жасау және бухгалтерлік есеп саласындағы қызметке, 33,5 млрд теңге — Қаржылық ревизия жүргізу жөніндегі қызметке және 3,3 млрд теңге — салық салу саласындағы кеңес беруге жұмсалды.
Сондай-ақ, құқық саласындағы қызметтерге 35,6 млрд теңге, оның 5,8 млрд теңгесі адвокаттық қызметке, 42,2 млн теңгесі нотариаттық қызметке және 29,8 млрд теңгесі құқық саласындағы өзге де қызметке тиесілі болды.
Бұнымен қоса, салық салу саласындағы кеңес беру бойынша қызметтер көлемі едәуір өсті. Соның ішінде бірден 62%–ға немесе 1,3 млрд теңгеге, 2023 жылғы қаңтар-қыркүйек айларында 3,3 млрд теңгеге дейін. Айта кету керек, осыдан бір жыл бұрын 2 есеге жуық өсім байқалды, ал сектордағы қызметтер көлемі 2019 жылғы "дағдарысқа дейінгі" көрсеткіштермен теңестірілді.
