Алайда өзгеріс қарқынын 3 жыл ішінде қарастырар болсақ, мұндай құқық бұзушылықтар санының 8,2%-ға қысқарғанын байқаймыз, деп жазады Inbusiness.kz Ranking.kz сайтына сілтеме жасап.
Өңірлер бойынша қарар болсақ, отбасылық-тұрмыстық саладағы ең көп қылмыстық құқық бұзушылықтар Павлодар облысында тіркелді: 45 жағдай — бір жыл бұрынғыға қарағанда 2,2%-ға аз.
Көшбасшылыққа таласа екінші орында Қостанай облысы тұр: 42 жағдай, бір жылдағы өсім — 5%. Одан кейін Алматы облысы — 39 жағдай, бір жыл бұрынғы 56 жағдай тіркелді, яғни көрсеткіш 30,4%-ға кеміген. Отбасылық-тұрмыстық салада қылмыстық құқық бұзушылықтар саны ең көп бес өңір тізімін Қарағанды облысы мен Астана аяқтайды: тиісінше 37 және 33 жағдай.
Тұрмыстық құқықбұзушылықтардың ең аз саны Маңғыстау (10 жағдай), Атырау және Ақтөбе облыстарында (әр өңірде 11 жағдайдан) тіркелді.
Отбасы-тұрмыстық саладағы барлық қылмыстық құқық бұзушылықтардың үштен бірінен астамы немесе 37,1%-ы жарты жылдың қорытындысы бойынша денсаулыққа қасақана ауыр зиян келтірумен сипатталады: 171 жағдай — бір жыл бұрынғыға қарағанда 12,3%-ға аз.
Отбасылық-тұрмыстық салада жиі кездесетін құқық бұзушылықтардың арасында кісі өлтіру (51 жағдай) және денсаулыққа абайсызда зиян келтіру (9 жағдай) болды.
