Ауыл шаруашылығы министрлігі басқа елдерге жемшөп шығаруға тыйым салу туралы бұйрықтың жобасын жариялады, деп хабарлайды inbusiness.kz порталы eldala.kz-ке сілтеме жасап.
Мемлекет басшысының тапсырмасын орындау үшін бұйрықтың жобасы әзірленді. Оған сәйкес елімізден басқа елдерге жемшөп шығаруға 6 айға тыйым салынады. Құжатты "Ашық НҚА" сайтынан толық оқуға болады.
Жобаны талқылау 6 тамызға дейін жалғасады.
"Бұйрықтағы қосымшаға сәйкес Қазақстан аумағынан жекелеген тауарларды әкетуге 6 айға тыйым салынады", - деп жазылған құжатта.
Құжатқа сәйкес елімізде шөп, пішендеме, сүрлем, сұлы мен қара бидайды басқа елдерге шығаруға тыйым салынуы мүмкін. Шектеу бұйрыққа қол қойылған күннен бастап күшіне енеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
